【產品實測】Satisfyer Pro 2+ 震動陰蒂吸啜器詳細評測

主編： 阮戴安

關於 Satisfyer Pro2 Gen2 嘅下篇就用會新手入門嘅角度，同大家實測 Satisfyer Pro2 Gen2 震動陰蒂吸啜器！！成日聽到人話用吸啜器好快就可以高潮，但就一直都冇試過用～聽聞唔少朋友入門嘅吸啜器都係 Satisfyer，所以⋯⋯事不宜遲！

更多產品詳情，點擊 Satisfyer Pro2 Gen2 震動陰蒂吸啜器資訊。

▍為什麼選擇 Satisfyer Pro2 Gen2震動陰蒂吸啜器？

好多人唔知！陰蒂吸啜器係由國際品牌 Womanizer 所研發嘅～
而嚟自德國嘅 Satisfyer 就被譽為係「親民版 Womanizer」，不論係價錢定質素，對於陰蒂性玩具嘅新手或者老手都十分友好！今次測試嘅 Pro2 Gen2 比 Pro 2 多咗震動功能，以 價錢 同 質素 喺同類型產品中衝岀，喺全球已經賣出數百萬件，可以話係性價比高之選！

Satisfyer 擁有專利嘅革命性 Air Pulse 空氣脈衝術，可以以模仿吸啜嘅形式刺激陰蒂，而唔會直接接觸。
研究指，約七成至八成女性，都需以陰蒂刺激達致高潮。陰蒂吸啜器正正滿足咗女性呢方面嘅需求，喺性玩具嘅世界，可以話係顛覆咗對女性只使用插入式性玩具嘅印象！
Satisfyer 亦都獲得紅點設計大獎、德國iF設計大獎同澳洲 Good Design Selection 等超過 400多個 國際大獎，係品質既保證！
好！唔講咁多廢話我地即刻開箱！！

▍Satisfyer Pro2 Gen2包裝

一個產品嘅體驗由開箱開始！ 包裝設計係我會用「儀式感」黎形容佢嘅其中一個原因 (●°u°●)​ 」
包裝設計用色走活潑簡約路線，搣甩咗我地對性玩具包裝嗰種傳統而嚴肅／kinky 嘅印象，果然係拎設計大獎嘅品牌！ 磁吸式包裝、絲帶拉環、一次性撕拉封條，確保產品喺使用前未經開封之餘，仲非常之有質感！！一路開就好似拆禮物咁！🥺

▍Satisfyer Pro2 Gen2機體及外觀

玫瑰金色配白色外觀，好似一部美容儀！

大小及重量

家用機大小，喺屋企使用會比較合適～ 重115克，大約係 一部 4吋 iPhone 5 嘅重量，十分輕身，拎住都唔會覺得攰同重。

手感

手柄係人體工學圓形輪廓，手感非常好，幾適合唔同角度拎住用。

外型

外型係磨砂嘅玫瑰金配白色，就咁睇落，真係好似一部美容儀！！！就咁放喺枱面都會覺得好elegant (´▽｀) 得閒無聊震下個眼袋去水腫都幾舒服～

Satisfyer Pro2 Gen2 裝備

充電

官方指充電時間係４小時。充電時，機身會亮起閃燈以作提示，完成之後按鈕會長亮提示燈。磁吸式嘅充電形式好方便！加上成部機都係一體成形，所以都唔需要擔心漏電嘅問題。

聲音

夜間室內靜音環境，未開機前既環境音係約 40 分貝。 測試時，我將 Pro2 Gen2 嘅吸啜模式同震動模式都開到最大，大約係 70 分貝，同雪櫃聲、冷氣機聲差唔多！靜音功能好優秀。

Pro2 Gen2 喺接觸皮膚嘅情況下，聲音係會再細聲少少，可以睇吓接觸皮膚前後嘅分貝對照。

Satisfyer Pro2 Gen2 用後感

唔少人將性玩具看待成「性愛嘅替代品」，而吸啜器自然就會被看待成口交既替具。但我就諗：點解性玩具就係模擬性愛？係咪涉及他者嘅性愛先係性最崇高嘅指標？

不是的，其實性歡愉未必需要為他人而生。 同他者嘅性係選擇，一個人嘅性亦可以係選擇。一個人從來就唔等如孤獨，一個人可以係自由。

喺我過往性愛嘅經驗中，我對口交一直不太感興趣，對於將自己直接暴露於他人之前有種不安。因為擔心，冇辦法享受兩人間既性歡愉，亦礙於心理因素，冇辦法享受身體同感官嘅刺激。

今次試用吸啜器，正正俾咗我一個機會，放低焦慮，純粹咁享受陰蒂吸啜帶嚟嘅刺激，用感官去體會身體同情緒嘅變化、流動，將目光放返係自己身上。

其實無論係一個人定多於一個人都好，都係不一樣嘅歡愉同刺激。

Satisfyer Pro2 Gen2的吸啜與震動

【11 種吸啜頻率 x 10 種震動頻率】

Pro2 Gen2 係 Pro 2 嘅升級版，最大分別就係多咗 10 段震動模式，對我嚟講係一大升級！ 吸啜嘅過程中，陰蒂嘅敏感度會被放大。比起純粹嘅陰蒂吸啜或者震動器更加能夠令我興奮，可以話係打開咗新世界大門！！

示範為 吸啜強度 －１１，震動模式 －３（持續震動模式中最強段數）。

11 種 吸啜模式
11 段嘅吸啜模式入面囊括由弱到強嘅不同intensity，有唔同嘅選擇，適合新手慢慢摸索適合自己嘅強度，咁就唔怕一嚟就對陰蒂太刺激啦！

我自己就覺得由第２、３段開始已經有 feel，如果鍾意慢慢嚟、慢慢享受嗰種挑逗嘅感覺嘅話，第３段已經會好適合！到第７、８段，係比較深層既刺激，配合震動模式，好快就可以有高潮～ 去到第１０、１１段，對我黎講就太強了。

另外，調教強度嘅按鍵係分開「＋」/「－」兩係唔同既按鍵。使用上都可以好方便咁因應狀態而增強減弱，以調校不同強度，唔洗單一按鍵㩒餐死。

10 種 震動模式
雖然震動未必係吸啜器嘅重點，但 Pro2 Gen2 震動模式嘅設計對我嚟講，體驗上，係一個昇華！！！୧⃛(๑⃙⃘⁼̴̀꒳⁼̴́๑⃙⃘)୨⃛

模式方面，由於官方冇相關資料，以下係我嘅心得。
頭３段係漸進式嘅持續震動，由弱到強。第４段開始就係固定變頻。而第８至１０段就偏向隨機變頻。
第４至７段嘅固定變頻分別係：
４－ 持續短促；
５－ 短促，以五下為一組；
６－ 漸大漸小；
７－ 快速拍打。
對於第８至１０段嘅隨機變頻⋯⋯
第８段為一般變奏速度；
第９段節奏比較急促，適合追求激情嘅朋友；
第１０段節奏比較緩慢，可以配合到呼吸同埋情緒流動，適合鍾意慢慢享受嘅朋友。

我自己就一向比較偏好隨機變頻，當中第９段節奏比較快同亂，就最啱我心水(●°u°●)​ 」。但固定變頻中嘅第７段（快速拍打）都有驚喜！🥺 配合吸啜模式使用，快速拍打模式好快就會好有feel

推薦段數：７、８、９

Satisfyer Pro2 Gen2配合水性潤滑液使用

今次選用 Wet Stuff Plus 呢隻水性潤滑液，質地中性，有少少厚度，唔會太黏，亦唔會太水。 用吸啜器未必需要用潤滑液。但加咗潤滑液之後，矽膠頭同陰唇會更加緊密，喺吸啜同震動既過程都可以提高刺激感。

矽膠頭用料係醫療級嘅矽膠，大概係matte to satin，個人幾鍾意呢種質感！十分之親膚，唔會話太滑好有機械感。 矽膠頭嘅大小同橢圓形嘅形狀都啱啱好可以切合陰唇位置，可以精準刺激到陰蒂！

乳頭刺激
玩具既可能性係由我哋去發掘㗎！經過我嘅探索之後，發現佢攞嚟吸啜乳頭都幾有刺激同新鮮感。而且吸啜器都唔一定係一個人用，同伴侶前戲嗰陣用都很可以！

IPX７防水技術

等級 IPX７，同 Apple Watch 一樣嘅規格，即係喺水入面１米可以浸泡 30 分鐘都冇穿冇爛。 官方就話可以拎去淋浴或者浴缸中使用，喺水中既吸啜感會更加強烈。

礙於環境所限，冇辦法同大家測試浴缸使用感受。(｡ ́︿ ̀｡) 但根據我喺水中測試機體嘅經驗，喺水中嘅吸啜感的確會更加強烈，希望下次 staycation 嘅時候都可以帶埋佢去試用 (˶‾᷄ ⁻̫ ‾᷅˵) 至於淋浴使用，我就覺得使用感受上就冇咩特別，算係多咗一個玩法～不過我都係鍾意攤喺床度舒舒服服咁用多啲😂

▍Satisfyer Pro2 Gen2清潔與收納

清潔都係我幾 Concern 嘅一樣嘢，要延長玩具嘅壽命就要錫住洗～

可分拆式矽膠頭

清潔上可以成個拎去洗十分之方便！ 而且機體同矽膠頭係可以拆開清潔的，咁就唔怕污糟嘢積喺中間條罅啦！呢一點都做得幾細心。

收納

機體本身唔可以直立擺放，本身又冇附送任何底座或收納袋，只可以就咁收納或者另外用其他收納袋，喺收納方面可能就會有少少唔太方便～

▍Satisfyer Pro2 Gen2 總結

【 評分：8.4／10 分 】

總括而言，我覺得 Pro2 Gen2 真係性價比中嘅皇者！ 當然，無一個產品係完美嘅，如果攞 Pro2 Gen2 黎同 Womanizer 或者 Lelo 比較，性能上固然都會有可以做得更加好既地方。但係以中價位既吸啜/震動器，同高價位嘅產品喺性能上作比較，未免太過過苛刻。佢只係四百幾蚊咋！！！以佢嘅價位係質素上已經喺超值，功能亦都夠做有餘！

小小驚喜：續航力驚人

玩玩具最怕就係興之所至，但舊嘢冇電⋯⋯ (｡ ́︿ ̀｡) 官方聲稱佢既操作時間係 60分鐘，但我自己實測之後覺得佢既使用時間一定唔止 60分鐘 😂 事關我叉一次之後，用咗差唔多5-6次，佢都仲有電！！續航力十分驚人！∑(ﾟДﾟ)

優點 - 適合：新手、學生黨、想試唔同功能既朋友

性價比之選

比較價錢相若既同類型產品，Satisfyer Pro2 Gen2 可以話係當中整體質素最高、最全面嘅一款。 好多新手喺選擇新玩具嘅時候都會有疑難，因為唔知道自己嘅身體同玩具夾唔夾，亦唔知道新手應該揀低、中定高價位既玩具 —— 低價位怕因性能上嘅取捨冇辦法得到玩具嘅完整體驗，高價位又怕買完返嚟唔啱心水。而 Satisfyer Pro2 Gen2 正正可以俾到我哋一個比較全方位嘅體驗，等我哋知道吸啜器係咪真正適合自己，亦都對學生黨十分友好！

頻率及模式多樣

Pro2 Gen2 嘅吸啜模式同震動模式都幾多元同多樣，亦有唔同程度嘅強弱，更加能夠讓新手探索自己嘅喜好同性歡愉。

▍缺點

輕便度不足

Satisfyer Pro2 Gen2 嘅手柄比較大，好處係手感真係好好，拎住用嘅話，喺唔同角度都好方便。 但一體兩面，Pro2 Gen2 就未夠便攜，都係以在家使用為主。

順帶一提，Satisfyer 都有推岀以便攜性同性價比為賣點既 One Night Stand 非充電式陰蒂吸啜器 同 Love Triangle 智能app遙控 便攜陰蒂震動吸啜器，好適合拎去staycation、旅行，甚至乎外岀使用。但比起 Pro2 Gen2 ，機體細咗既同時，亦相對要喺機能同手感上有所取捨。

Satisfyer Pro2 Gen2產品基本資料

更多產品詳情，點擊 Satisfyer Pro2 Gen2 震動陰蒂吸啜器資訊。

更多文章推介：

• 【假陽具選購指南】抽插？震動？像真？如何挑選假陽具你要知！
•  【BDSM 入門指南】必看 BDSM 角色、道具及玩法，享受絕對快感！
•  BDSM調教: 控射EDGING篇 - 你的入門指南