大家好，

想同大家分享一個重要信息。

如果呢兩日到訪過我哋網店，可能會發現有啲問題。是咁的，我哋突然被用咗7年嘅網店平台終止服務，網站隨之亦被下架了，一切毫無預兆 😔

由2018年至今默默耕耘嘅內容，彷如被惡意按下「Ctrl + Z」，瞬間蒸發，無法取回。

我哋申訴獲得嘅回覆竟然係我哋個別產品「違反有關兒童色情嘅法律」。但係具體理據一律欠奉。

我哋生意一向都秉持住喺合法安全、多元包容、正向開放嘅情況下分享情趣、歡愉及知識。偏偏估唔到社會至今仍然對「情趣」及「性事」標籤得如此負面。

我哋想做嘅其實好簡單 — 就係為大家帶嚟喜悅 🧡

我哋依家面臨住開店以嚟最大嘅挑戰 — 一切都要重新嚟過。然而我哋冇絲毫放棄嘅念頭。當係一個新開始 吧 🙌🏻

嚟緊我哋會將之前網店嘅產品重新一一人手上載至新平台。過程需時，大家一定要等我哋噢 🥺

過渡期間，十分歡迎大家親臨我哋兩間門市購物。冇咗系統嘅協助，一切都會慢啲難啲，但係我哋依然會用最誠懇的心服務大家 🫶🏻

我哋好快會東山再起，變得更好 ୧| ” •̀ ل͜ •́ ” |୨

Be Water!

With Love,
Kevin & Zion 😘